زمن العبر
=======
الناس بتيجى وتروح مافيش كلام
حياتنا معاهم عامله زى القطر القشاش
ناس حلوة وناس وحشة
ناس عمرت وناس نزلت
بأول محطة من غير تبرير
الكل طلع مصلحة ومافيش أصل
اللى طعن واللى جرح والكل
بمليون وش بيجى علينا وقت
وبتتقلب علينا مواجعنا
تبكينا بدل الدموع دم
دا كان صاحبى ودراعى
جرى وهرب وبرر وقت الجد
كان صاحبى وقت الهرى واللت
وكلام كان فالفاضى المهم
طلعت الصحوبيه تقضية وقت
الحبيب ماطلع حبيب طلع
خسيس وكان بيتضحك
علشان غرض داخل النية
ونيته كانت من غير ضمير
كله علشان ملهاش حد
حتى الأخ خسر أخوه علشان
شوية فلوس بيقول إنها
ميراث أب وأم وكمان جدود
مايعرفش إنه فالآخر حيورثوه
وحينسوه والأهم خسر أخوه
وأمه وأبوه ياه على الأصل
الأبن ضرب أبوه والبنت كرشت الأم
ياه ياهوه على النفوس لما تلوثها
المصلحة والفلوس نسيوا
أن الأب تعب وشقى وإتحرم
والأم كمان شالت تسعه من الشهر
كانوا مفكرنهم حيكونوا ليهم فالكبر
سند وضهر إخص عليك يازمن
حكمت الظالم فالمظلوم
والتمن طلع شوية ورق مطبوع
وإتباع الحب بأرخص تمن
على رصيف زمن الجحد
ياخال ياعم اللى قالوا
دا زمن الجدعنه غشوكم
الكل بألف وش ووش
دا زمن عدى ومضى ومابقى
منه غير الإسم
آه يازمن العبر الكل فيك
خسيس وناقصه كتير
من الأصل
بقلم / حنان سلام ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.