وتنسانى عنيكى ساعات
وتحلم بالعيون تانى
ولومرة هواكى فات
على قلبى هيلقانى
كتبلك بالحنين حكايات
ووحدك انتى وخدانى
ولو مرة غلبنى سكات
وسكنت قلبى احزانى
ولومرة مشيت متاهات
وضاع اسمى وعنوانى
احلفلك بكل مافات
بعمرى وحلمى وزمانى
يطول البعد والمسافات
وقلبك يقسى وينسانى
انا فاكرك وعمر الشوق
ما فارق قلبى وحنانى
انا عند الوعد ووعودى
انا بأنده للعيون عودى
وبحلم تانى تلقانى
انا وعدك انا مواعدك
انا رافض يطول بعدك
وحتى لو لقيت بعدك
عيون من تانى عشقانى
بحبك دا انتى مشوارى
لهيبى ولوعتى ونارى
بحلم تكون دارى
عنيكى السود وتلقانى
عبدالعزيزموسى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.