انتوا شعب المحرقة
واحنا شعب المشنقة
مفكرين ان الشقي
شغل سياحة وفندقة
بعد التحية والسلام
بيني وبينك كتير كلام
شوفت ايه عمل الغرام
مخلانيش عارف انام
ياللي بتبيعوا الضمير
من اميركم للغفير
عندي ليكوا كلام خطير
واحنا نايمين ع الحصير
قوللي ايه حكايتك ياغالي
بس ليه ف تُقلك تغالي
لو رأيت ف مرة حالي
حس بينا بلاش تعالي
نفسنا نعيش بالكرامة
لعدلكم نشوف علامة
الحكاية طويلة يآّما
ف الوطن عدنا يتامي
واحشني موت بس السكوت
سجن وانا فيه بموت
ولو حاولت ف يوم افوت
للأرض شداني القيود
جعان وابني كمان جعان
والجوع بيلعن ف المكان
بالصبر ينعقوا الغربان
الفقر غربة ف الاوطان
بقلمي / محمد فتحي الشيمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.