دنيا وفيها العجب
****************
دنيا وفيها العجب
علي كل لون ياباطيسته
نبدا كلامنا بالادب
ليلتكم فل نهاركم قشطه
الله يجازي اللي كان السبب
خلانا ندادي خلانا نطبطب
************
الصنف الاول
عن الرجاله
ماحدش يزعل
مني يارجاله
قاعدين ع القهوة
مش فالحين
الا في شرب الدخان
هات يالولو الطاوله
نلعب ونفرفش
زي زمان
فاضي وعاطل
جو مورستان
خايف يروح البيت
عشان المدام
طلابتها كتير
خليته طفشان
يدخل ويخرج
تعظيم سلام
تقوله ياراجل في ايه
ده انت كنت سيد الرجاله
امال دلوقتي
ابقي ايه
ماهو انتي
برضه كنتي غزاله
ابوس ايدك
راجع تعبان
ارحميني
انا عاوز انام
دنيا وفيها العجب
علي كل لون ياباطيسته
**************
الصنف التاني
عن الشباب
عيال هبلاني
عيشتها هباب
دول شباب الانتيكا
بطبله ورق
عاملين مزيكا
بندق وروشه
وعلي ويكا
حياتهم هجص
وبو لوتيكا
ودول شباب
الحشيش والبانجو
تعالي يا عكاشه
تعالي يامندو
هات لفه ومزه
نعيش ونهيص
والباقي نحطه
جوه البلاليص
ياخويا شوف شكلك
وكفايه ذنوب
حرام تاه عقلك
تعالي وتوب
دنيا وفيها العجب
علي كل لون ياباطيسته ***************************** بسيوني صديق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.