موال
............
لا ده كار عمر دياب
ولا حتي كار هاني
لما انتي كارهه الباب
طب قولي كارهاني
يامغلباني دووووم
بشحت بعيني النوم
في الحب أنا مظلوم
والقلب .. وحداني
.........
بحر الحريم أهو طفح
و السهوكه كترت
راحت عليك ياسبع
لما القرود صعرت
البغله فازت سبق
رجل الفرس عترت
محسوب علينا دكر
بتلوك لي في لبانه
وقليب أبوك إنفطر
وأمك دي حزنانه
شرفك ومش صاينه
لو بنت كان قدرت
..............
سوق المعاني اتنصب
و الكل قام بايع
فنش خلاص الكلام
والحرف مش طايع
فيه اللي نادى بقول
كلام جميل معسول
واللي مايفهم دول
بيبيع كلام مايع
.............
حسن حفني
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.