بعدين وياك
بعدين وياك / ياتاعبنى معاك
دايما تتقل / علشان باهواك
لما أصالحك / تعمل زعلان
لما انا ازعل / بتكون فرحان
طب اعمل ايه / وانت الغالى
كان نفسى ترُد / على سؤالى
تعرف حُبك ؟ / غيرنى كتير
خلانى اشوف الدُنيا / دى غير
وياريت أقدر / أبعد عنك
واخيب فى الهوى / سوء ظنك
لكن أعمل ايه / وانا روحى معاك
لو حتى تخلى / طريقى اشواك
برضو هاحبك / غصبا عنى
ولا غير حُبك / والله يسيعنى
الرحمه على /قلبى الطيب
خليك من / انظارى قُريب
وبلاش يشمت /فينا عوازل
النبض ف قلبى بينده لك /طالع نازل
انا نفسى انال الهوى / فى رضاك
ده انا روحى وقلبى / وعُمرى فداك
والفرح ف قلبى بيستناك طب اعمل ايه وبعدين وياك
شعر أحمد اسماعيل/ شاعر العرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.