بعنوان:فاض الكاس
لا باس ولباس
طار النعاس
همومي جبال
الكبدة ماننسهاش
سكني الوسواس
حرفي يجدب
ماعارف علاش
يبات عساس
قطعو لوصال
كيف ندير يا حالي
ماتت الغيرة
والاحساس....
لاباس ولباس
ركبني لهبال
قلت نسبب
تشوش خاطري
هاضر وحدي بلا سوال
ناقصني الحب
المحبة هي الاساس....
الدار واش توقف بلا ساس؟
هدا الزمان مات الحيا
الولد ينعت بوه
يردو كيف لحلاس
قلال المرضيين
يا ناس...
لاباس ولباس
شعلت النار
تفرج ليسوا ولميسواش
كبرت العداوة
تعاير الجار
الجورة ما احترموهاش
تكايس اخويا تكايس
شبعتونا
فقايس.....
لاباس ولباس
فاض الكاس
عمروه بالحقد
الحسادة بلا قياس
تشتت العش
تفرق القش
الخلاطة داروها
كل واحد فين عطا
الراس:
15/12/2018
بقلم محمد البراقي الحسناوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.