شربت المر فى أزايز
وقلت يامر مش جايز
ألاقي الفرح وأتهنى
مشيت حسيت أنا فايز
على الاحزان وانا رافض
أعيش العمر مش عايز
أكون واحد مالوش لازمه
ولازم أعيش متميز
بأفعالي وهعمل خير
فى كل مكان أكون انا فيه
وعمر الشكوى ما تجيني
ولا عمر الأمل هطفيه
هنور ظلمتي بإيدي
وبردي بحلمي راح ادفيه
وأقول للهم روح وابعد
انا مش ممكن يوم اناديه
وهسهر ليلي وهغني
وأملي لازم اتمسك بيه
ومش هحتاج لحد معايا
عشان ما يقولش دا خيري عليه
هعيش دايما مع الافراح
ووش الخير أتمسك بيه
هعبي السعد فى أزايز
ويكبر عندي واربيه
وأشرب الهنا تاني
وكاس المر راح ارميه
(((أسامه جديانه)))
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.