و ذِكراها #نقاء
هَل الشِتاء يُداعب زُجاج غُرفتي
يُرسل إشارات صوتية على نافذة الروح يُناجي القلب المجرُوح مِن طولِ الغِياب.
قالت مِش هاغيب تاني عنك صدقني وحياتك عندي خلاص بس سيبني أراجع حالي و حالك خليني أفكر بعقلي لأن قلبي ليك وحدك و أنت قلبك في معايا شُركاء كتير خليني أصفي ذهني منك حُبك بيجري فيا في كل أجزائي القرار صعب .
وغابت
مِن الربيع عدى الخريف و اديني بَستناها يمكن تِهل مع قطرات المطر .
أوقات كتير ويا الريح أتنسم عطر الكادي أقول هيا و افتح للريح نافذتي أحس بنسيم ربيعي يداعب ملامحي أتنفس أتنفس أشبع روحي منها قبل غياب عطرها و استنى خايف أفتح ماتكون أمامي زي ما بتمنى و اتحنى بالصبر و أقول لِسه بدري على الربيع أصلها زهرة جميله ما بتتحمل خريف و لا مطر لكني في خطر.
هو ده حالي مع الفصول أصبر يمكن أطول غصنها الراقي هاستناها مهما طال عمري هاعيش أتمناها.
النهارده شئ غريب على شباكي عصفور صغير المطر كاسي ريشه ينقر على شباكي قربت منه و لا طار كان بيزقزق يقول أشعار.
قالي إفهمني عليك بتسألني قالت روح وعليه طمني .
قولها ماتخافيش دعوتك في غيابك بتحرسني حتى من نفسي يا نفسي
بس غيابها ليه طال أحكيلي عنها أنت عيني في جنتها.
قالي هاقولك
دمع الوحده ما بيفارق روحها بتضحك تداري جروحها و تحكيلنا عن حلمها بيك و تدعي ربي يهنيك و لأحبابك يخليك
ويتحقق حلمها بيك.
زقزوق ماقلتش إيه حلمها
سألتها قالت سر بينها وبين ربها في قلبها
قولها بحبها و باقي على عهدها
حسن سعيد ابراهيم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.