أنا الشهيد
متزعليش ياأمي لو فى يوم جتلك ملفوف بالعلم
عارف إن جواكى ياأمى حزن كبير وجرح وآلم
زيى زلزال هد كيانك ونار لبركان مليان باالحمم
إوعى تبكى وعاوزك تزغرتى وإنت ماسكه العلم
وسيبك من كتر الحزن ومعاه كتر الآلم
إبنك شهيد ومن حقك تتباهى بيا بين الأمم
وفى يوم هايكتب التاريخ ذكراي بخط القلم
أنا يا أمى فى الجنه عايش ولسه حى
وبتمشى فيها وكمان فيها رايح جاي
أنا بعزمك ياأمى على فرحى يوم الخميس الجاي
هاتى أبويا وأخواتى وكل حبايبى يشوفو عروستى
فى جمالها عمرى ماشوفت أبدا زيي
هى أجمل من القمر لما يكون كامل ومتزين بالضي
هى من حور العين وأجمل من كل بنات الحى
متزعليش يا أمى لو فى يوم جتلك ملفوف بالعلم
بقلم / رضا محمدحسب النبى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.