(سلاما سلاما) كلمات/صبري حسين
سلاما
علي اللي عايش
طول عمره مستني
قطر السعادة عليه يعدي
وعلي محطته مرة يهدي
سلاما
علي اللي مقضي طول
عمره في غلب
ببتمني يدوق طعم الحب
ما شاف عمره غير الكرب
مات جواه نبض آلقلب
سلاما
علي اللي بيحلم بالامان
نفسه يشرب من الحنان
كل امانيه يخرج من الاحزان
نفسه يتعامل علي انه انسان
سلاما
علي القلب المجروح
اللي نفسه مرة يرتاح
يشوف بعينه الفرح
ويبعد عن سكة النواح
عايز يعرف طريق النجاح
سلاما
علي العين اللي بتبكي بصوت مسموع
رغم بكاها نشفت فيها الدموع
قسمتها الوجع
الفرح والسعادة عليها ممنوع
سلاما
علي اللي عايش علي ضهر الحياة
وقلبه ميت يا والداه
عقله تايه في ملكوت الله
ماحد بقي عارف
عاقل ولا مجنون
سلاما
علي اللي مات جواه الامل
عينه عايشة في ظلمه
لاينطق غير الآه
بينادي ولاحد بيسمع نداه
سلاما
علي اللي حب
ومات جواه الامل
نهاره ليل
وليه نهار
حلقه كله مرار
قلبه ساكنه النار
سلاما
علي اللي بيضحك
وهو حزين
بين ضلوعه جرح دفين
لابس لباس الاحزان
ماعرف غير الحرمان
لكن البسمه علي شفته مرسومه
دايما بيبان في اجمل صورة
مع ان نفسه مكسورة
دايما مقهورة
ومهما الدنيا تبهدله
تشيله وترزعه
عمرها ماعرفت تكسره
وبيطل في احلي صورة
سلاما
علي اللي ببحسن الكلام
بيعمل لكل حرف حساب
كل كلامه واحد في الحضور او الغياب
لاعمره مرة كذب
ولايعرف لحد يغتاب
ممكن يكون لا راح مدارس ولاحتي كتاب
لكنه باآدبه وكلمته الواحداة دايما مهاب
الصدق قوله
الحق عنوانه
لا يخاف الا من اللي خلقه
والكل سواسيه قصاده
سلاما
يا اجمل الاحباب
يا اعز اخوة وأصحاب
افتكروني لو سافرت بدون اياب
اكتبوا على بابي عاش مؤمن بالحب
مهما شاف من عذاب
عمره ما عن الحب تاب
سلاما
سلاما
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.