أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الجمعة، 25 أكتوبر 2019

(كان بينه وبينك)؟ بقلم خيرى حسنى


قصيده بعنوان
(كان بينه وبينك)؟
بالظبط خطوتين. 
كان ناقص قلبى
ينده لك بس
فتسمعيه كان
نفسه كلمه منك
فتناديه. 
تشاورى له بإيدك
أو بطرف عينك
تبصى ليه. 
كان بينه وبينك
خطوتين هما
خطوتين. 
كان قلبى بيشهق
شهقة الموت
كان يتمنى منك
تلحقيه. 
تلقنيه حبك
عشقك وهيامك
إل بيه. 
كان نفسه 
آخر شئ يسمعه
منك إنك كنتى
حبه الأول
والأخير حتى
ولوكنت بتتعبيه
بتألميه بوجعك
وآهاتك ومرك
وأنينك وهجرك
لما كان يقرب
وإنتى بتبعديه.
كان نفسه تحطى
إيدك على جرحه
وتمسحى دموعه
إل يا ما نزفت
دم على خدوده
لا فى يوم
شاف فرح
أو بلة ريق
تطفى نار ظمأه
وترويه. 
كان بينه وبينك
خطوتين. 
كان بينده بصوته
المبحوح. 
كان عنده أمل
إنه قبل
ما يموت بقهرة
الحب تكلميه. 
يسمع صوتك
وهمسك ويحس
بحنانك وعطفك
ولو مره واحده
فى عمره
ومن وريدك
وشريانك بدمك
تمديه. 
نظره منك
كانت ممكن
ترجع روحه
جواه فتنعشه
وتفرفشه
حتى لو مات
بعديه. 
كان بينه وبينك
خطوتين...... ؟
24/10//2019
ترنيمات وخواطر......بقلم......... )
بقلم خيرى حسنى......................)

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.