(المسحراتي)كلمات/صبري حسين
( ١٥ )
مسحراتي
وبحلم نرجع زي زمان
لما نقول كلمة نكون ادها
يعني لما تحب بنت اتقدم لها
روح خبط علي باب اهلها
وانت يابنتي احكي سرك لامك وارتمي في حضنها
وانت يا ابو البنات
عيش الواقع وسيبك من الذكريات
واوعي تتعامل معاملة الزمن اللي فات
اعتبر اللي جاي يتقدم لبنتك ابنك
قربه منك
خده في حضنك
بلاش طلبات مبالغ فيها
سيبك من طلبات الغيرة
بلاش كلام ملهوش معني
انا بنتي مش اقل من بنت خالها
ولازم يكون جهازها احسن من جهاز جارتنا
اهم شيء دور علي اللي يسعدها
وطالما الولد شاري وعاجبها
قوله يا ابني احنا بنشتري راجل
وطالما علي حمل المسئولية هايكون قادر
هانفذ كلام رسولنا الكريم
طالما عارف ربنا ومتمسك بالدين
اتفضل يا ابني تعاله
اوعي تخاف من اي حاجة
هات اللي تقدر عليه
وبكره كملوا مع بعض اللي ناقص
انا اللي يهمني يا ابني
هو سعادة بنتي
طالما عارف ربك
هاتقدر تصون عرضك
الحب الحلال
لايعرف محال
تعال يا ابني
قرب مني
عايز اقولك كلمة
كلمة فيها كل المعني
اعرف ربك
صون بيتك
حافظ علي عرضك
اسعي علي رزقك
بالصبر والعمل كل الدنيا تكون ملكك
ده الكلام اللي يرضي الله ورسوله
كفاية تعقيد ونعجيز
سهلوا الحلال يا بني آدمين
كل سنة وانتم طيبين
رمضان كريم
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.