( يا أم الولد) كلمات /صبري حسين
جابوا. الخبر
لأم الولد
قالوا عارفينك عندك جلد
ابنك بيقولك وفيت بالوعد
يا أمي عمري ما خنت العهد
يا ام الولد
بقيتي ام الشهيد
ابنك ده قلبه حديد
حزينة يا ام الولد
سبحان الله
بسمتها ارتسمت على الشفاه
زغروطة بطعم الفرحة
بصت وقالت ابني خلاص بقى شهيد
كله فداء ترابك يا غالية
يا مصر دايما رأيتك عالية
اسمعو يا كل الجنود
ياللي بتحاربوا الارهاب واللي واقفين على الحدود
حنا كلنا واقفين معاكم
مقدرين جهودكم
مستعدين بروحنا نفديكم
يا أبطالنا انتم فخر لينا
بندعو لكم من جوة قلوبنا
ربنا ينصركم على أعدائنا
أعداء الانسانية
اللي لا يعرفوا دين ولا ليهم ملة
اللي بيقتلوا البسمة من علي الشفاه
اللي كارهين الحياة
غصب عنكم هنزرع الفرحة
اسمعوا صوت الحناجر
هى بتهتف وتكبر
احنا اسود مصر
لانعرف خوف ولا نرضى بالقهر
احنا أبطال مصر
شعارنا طول التاريخ الشهادة او النصر
شهيد جديد
ايه الجديد
لو كل يوم مليون شهيد
الكل باقي على العهد
مصممين على النصر
انا سامع صوت الشهيد
دمى فداك يا بلادي
هاقول كلمة من قلبي
ياريت الكل يسمعني
اوعي تزعلي يا ام الولد
ابنك ضحى علشان أولادنا واحفادنا
بدماء أولادنا روينا ترابنا
علشان تفضل مرفوعة راسنا
وانت يا خاين يا جبان
ياللي فرحان بقتل الولد
لو راح ولد
في مليون ولد
على ضحكتهم
الفجر هيتولد
مصر باقية رغم كيد الكائدين
مصر محروسة ليوم الدين
مصر نسيج واحد مسلمين ومسحين
مصر اللي ربنا ذكرها في القرأن
ادخلوا مصر ان شاء الله أمنين
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.