خالد إبراهيم
يارب عديها على خير
شعر/خالد إبراهيم
^^^^^^^^^^^^^^^^^^^^^^^^^^^^^
يارب عديها على خير
وألطف بنا وارحمنا
يا رب
نار الفراق حارقة قلوبننا
بس الحقيقة الموقف صعب
والمسألة مش طالبة هزار
ولا طالبة هلس ولا استهتار
أصل الكورونا ما بتهزرش
وظروفنا وحشة ماتستحملش
لازم تعيش على فعل الخير
وتحب مصر بكل ضمير
مابقتش تفرق.دون وأمير
الكل عند الموت سيان
يا رب عديها على خير
كورونا حلفت ما هي سيباك
يا اللي أنت مش خايف منها
ماشي هنا أو حتى هناك
عمال بهبلك تشاغلها
بكرة هاتبكي دموعك دم
بطل هزار واسمعلي ياعم.
وساعتها مش هاتلاقي سرير
يارب عديها على خير
يا ربي صبر قلب حزين
ومقضي يومه ينادي
يارب
واستر علينا ليوم الدين
مين غيرك أنت نقوله
يارب
هون علينا الحمل كبير
وارحم عبيدك.قولوا يارب
يارب عديها على خير
*****************
خالد إبراهيم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.