فكرك إيه ؟؟؟؟ بقلم // سليمان كاااامل ..

فكرك إيه ؟؟؟؟
بقلم // سليمان كاااامل ...
*******************
فكرك إيه .....
فكرك لما تكوني بشامه
ولا جمالك حتى علامه
هتكوني إيه غير إنك ست
.....
فكرك إيه .....
فكرك لما تكوني طبيبه
أو بشهايد تملا حقيبه
أو بالأهل نسب ونسيبه
هتكوني إيه غير إنك ست
......
فكرك إيه ......
فكرك لما تكوني طويله
هيفا ونايفه طويلة التيله
يطلعك بسلم ..إيده ذليله
هتكوني إيه غير إنك ست
.......
فكرك إيه ......
فكرك لما تقومي على طبخه
ولا تكوي حتى ملابسه
ولا تقومي بسلامته وراحته
هتكوني إيه غير إنك ست
......
فكرك إيه .....
أمي وأمك كانوا إيه
عمرك شفتي تعالي عليه
ولا أمك رفضت تغسل بصابونه رجليه
هتكوني إيه غير إنك ست
......
فكرك إيه ......
لما يغيب........ ويتأخر بره
ولا يجيلك..... شايل الجره
تكونشي إنت بنت أبوك
وهو حيا الله بن الضره
هتكوني إيه غير إنك ست
........
فكرك إيه .....
لما تكوني متواضعه شويه
وتقابليه بالبسمه..... خطيه
هتخس النص ياحبة عيني
ولا هترضي وتعيشي هنيه
هتكوني إيه غير إنك ست
....................................
سليمان كااااامل ......2020/5/29الجمعة.....