أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الجمعة، 31 مارس 2017

خلاص آن الاوان بقلم الشاعرة شيرين قزامل

((( خلاص آن الاوان ))) 
بقلم الشاعرة شيرين قزامل 
..............................................
اوعى تجيلي يوم
تقول خلاص سامحيني 
اسامحك على ايه 
اسامحك على دمع عيني 
ولا جرح قلبي 
ولا ضياع سنيني 
ولا سواد وضلمه 
في طريق مستنيني 
قلبي مش ممكن يسامحك 
جرحك هد فيا 
ضيع فرحة عيوني 
كرهت معاك زماني 
حتي جدران مكاني 
بتصرخ تقولك حرام 
الحزن مش عشاني 
طب اسامحك على ايه 
على وهم وعلى سراب 
اتخيلته معاك حقيقه 
ضاع في لمحه وفي دقيقه 
اسامحك على وعد أخذته 
وكان منك خديعه 
لأ يا ابن قلبي 
مستحيل تعدي 
ولازم يبقى حقي 
يجيني لحد عندي 
طب قولي اسامح ليه 
مش هكذب عيوني 
ده في يوم غريب ملامحه 
شوفتك حد تاني 
حد كاره لنفسه 
حد ظالم اناني 
العين بتقول كفايه 
والقلب حاسس خلاص 
بأن دي النهايه 
ابعد عني وإنساني 
شوفلك حد تاني 
يعشق ظلمك وجرحك 
كسرك ليا خلاني 
اقدم اعتزار لنفسي البريئة 
عشان غباءي خلاني 
أوافق ع القرار
سامحيني يا نفسي وربي 
مكنش عندي فكره 
ان قراري انتحار
مستحيل قلبي يسامح 
على ايدك يا حبيبي 
الندم عرف طريقي 
وخبط يدق بابي 
بعد سنين طويلة 
يقولي يا عبيطه فوقي وشوفي الحقيقة 
الصورة من البداية واضحه قدام عنيكي 
بس انتي اتعميتي وشوفتيها بالمعكوس 
لكل شيء أوان 
آن الأوان رحيلي واكون طي النسيان 
خلاص آن الأوان

بقلم 
شيرين قزامل ( مصر ) 
2017 /3 /  31

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.