الشات يا بنات
************
خللوا بالكم ...
تعالب النت ليهم مخالب
ووشوش وهميه ...
لما يفترسوا ضحيه
بحيلهم الذكيه
المستخبيه ورا كلمات الحنيه
دول تعالب مكرهم غالب
طبعهم افكاره مؤذيه
اخطر تعالب.. التعالب البشريه
لا رحمه ولا انسانيه
وف دنيا الشات
ح نلاقى حكايات مثيره
ومش عاديه..شخصيات خياليه
بوشوش رومانسيه
شغلتهم النصب والتسليه
لكن مؤذيه
والبنت من طيبتها
حاطه صورتها ع الشات
وعمل ليها حبة لايكات
وكتب احلى الكلمات
بحبك انتى بالذات
يا احلى صبيه
دااابت ف لحظات الحنيه
دق قلبها ..
ولما قابلها لوحدها ..
افتكرت انه قال قدها
اتصدمت !! لما لقيته
فى عمر جدها ....
وحكايات كتيره مأساويه
هو ده الشات .. يا كل البنات
ومصيبته قويه ...
ف الاخر البنت الضحيه
خللوا بالكم ..
تعالب النت ليهم مخالب
ووشوش وهميه ...
************************هذه القصيده ..للشاعر
مصطفى عبد المنعم
من ديوان (حلم عمرى)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.