أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الخميس، 30 مارس 2017

مالهوش كبير بقلم الشاعر/محمد الشاذلى

مالهوش كبير). ٢٨/مارس/٢٠١٧
************************************
 اوعى تقول القلب شاب

او حتى مات
اوعى تقول ان السكات
يعنى الممات
وللا تقول ف يوم بأن
الوقت فات
القلب طول ما فيه حياه
يصرخ اهات
من لوعه الشوق اللى فيه
ومن الذكريات
يفضل شباب من غير حساب
طول الساعات
مستنى لحظه ما يلقى خله
ويقول له هات
ايدك ف ايدى نرجع نحب
كل الحاجات
ونشوف بعين عاشقه الحياه
بكل اللغات
اوعى تقول القلب شاب
او حتى مات
الحب ده اجمل شعور
تحس بيه
من غير حساب او حتى تدرى
ف لحظه تلاقيه
داخل لقلبك ساعتها تلقى
احساس ماليه
فرحه غريبه تخلى كل
الفرح فيه
تقول ساعتها ايه اللى حاسه
ودا يبقى ايه
دا يعنى حب بيملى قلب
من شوقه ليه
سنين بيستنى الحياه دى
وشوقه مداريه
وبص فجأه لقاله مطرح
ف الفرح ليه
رجع شبابه وراح عذابه
ونطق السكات
ياللى بتحسب القلب شاب
او حتى مات
تمت بقلم الشاعر/محمد الشاذلى

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.