$$$عيبنا$$$
للشاعر/صابر الشناوب
لإ متى هيفضل
شوفنا تحت رجلينا
فاردين شراع الأمل
وتايهه. مراسينا
راسمين خطوط الوجع
والكل عامل جدع
شايل ومتحمل
نتحدى جهل البشر
وإن احنا هنكمل
ونسبق خطاوينا
فاكرين ان الحياه
هتمشي على شوفنا
أو إن أحلامنا
مرسومه في كفوفنا
ولا إحنا من خوفنا
لبسناد نظاره ولا نداري
جواها في كسوفنا
الحلم جوانا نعيشه
كلام في كلام
مستنينه يجي
لوحده ف إدينا
الفرحه ليه بس
بنشوفها ف الأفلام
الحزن طول السنه
رسمينه فد عنينا
كل يوم الصبح
الشمس آهي بتطلع
تفرد شعاها براح
للي نظره سليم
اصل ليها ميعاد
آخر النهار ترجع
هي مش ذنبها
إن إنت بتشوفشي
شوفنا على قده
لكن كلامنا كتير
متبطرين ع النعم
وهي ف إدينا
دايما بنتفلسف
ولا عادش لينا كبير
والكل قال انا
فخسرنا بعضينا
بنشوف عيوب الناس
ونداري في عيوبنا
لومنا كتير الزمن
ف زمانا عاب فينا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.