( ذرفت عيوني الدمع ) :
ذرفت عيوني الدمع
والكون جداره الصمت
وحدي وراح الجمع
والجمعة زي السبت
راحوا الحبايب يا قلبي
انسى بقى ايامهم
كات امتى يعني الدنيا
ع الواحدة او بالظبط
يا قلبي عيش الحياه
معدوله او مايله
مفيش لا مال ولا جاه
بلاش بقى خايله
دادي امورك وداري
حالك وأحوالك
وهدي نفسك ما دام
مفيش ايدين طايله
يا قلبي ليه الجفا
والقسوه ع اللايمين
هوه احنا يعني لقينا
غيرهم في ناس تانيبن
اضحك يا قلبي ف وشوشهم
مثل على نفسك
وان سالوا جمل في حالك
واحلف بالف يمين
الهي ياللي سامعني
من فوق سبع سموات
يا عالم باللي انسعد
واللي حزين سنوات
ارحم دموعي يا ربي
واكشف بقى الغمه
وارزقني لحظة سعادة
نفسي في فرحة ابات
بقلمي الشاعر جمال زكي عينر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.