أنا محتارة
●
●
●
●
بص أنا محتارة في أمرك
قلبك ده زي الاعصار
لحظة بيكون دافي
ولحظة يدمر زي التيار
لحظة أشوفك موج هادي
تتناغم ويا الألحان
ولما بتقلب تتغير
بتكون زي الموج الغدار
ترجع تهدى وتصفالي
وتكونلي المية العذبة
وتروي ظمأي العطشان
آه منك أنا محتارة ف أمرك
مش عاجبك لون عيني العسلي
ولا عجبك جمالي الشارد
دنا وردة بلون الازهار
دي النظرة في عيني ليك تسكر
وتدوب ف هوايا زي القشة
وتعوم على وش الانهار
وف لحظة ومن غير ما بتدرى
بثور تتجنن وتموت كل الاحلام
يا حبيبي جنانك جنني
خلاني كدا افقد عقلي
تتعصب وتوتر اعصابي
وتشعلل جوايا النار
دا حبك لا بيعرف رحمة
وشكلك بتحب الزحمة
ومخبي عليا اسرار
أه لو تعرف واحدة عليا
مش هتشوف في حياتك
حنية
ولا هتعدي عليك ليلة هنية
بطل بمشاعري تلعب بيا
وتخلي العقل يحتار
انا ممكن اشقلبلك حالك
ودي اخر كلمة أقولهالك
لو ما رجعت تحبني تاني
هاخلي عقلك ينهار
وهترجع تندم على حبي
وتقول ياريتها تكون جنبي
منا واثقة في اللي انا بقوله
اصل انا عندي اصرار
فهمت اللي بقوله حبيبي
زي ما احترت في حبك
هاخلي عقلك يحتار
#GiGi_GoGo
بقلمي/جيهان جمعة محمد
#اليكم_كلمااااااااااتي/
#تتبعهاااااااا_تحيااااااااتي/
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.