ورود وخدود
ورود الفجر بتصبح وتلقى سلام لااحلى خدود
وشوكها ف قلبى بيجرح اهات قلبى على شهود
اقول ياقلبى ليه تسرح يقول باعشق عيونها السود
اشوف روحى بتتطوح وتشكى لربها المعبود
اعود وانظر لبستانك اشوف نرجس مع ياسمين
ورود مشتاقه لحنانك خدود ناعمه \ كمان طعمين\
اكيد العطر عنوانك وعطرك والله كله حنين
ياقمرايه ده فستانك مطرز فل مع رياحين
امان الدنيا فى امانك وانا تائه مع الهايمين
خدينى ف حضن اغصانك وضمينى بين الرمشين
ودلينى على مكانك راح امشى لك سنين وسنين
انا نغمه فى الحانك ياقيثاره حنى ع المساكين
عشقتك دون اقرانك حبيبتى انتى ياجميله يازين
شعر احمد اسماعيل \شاعر العرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.