بنتي نجحت...بقلم "عصام سيد"

بنتي نجحت في الثانويه
جابت مجموع
تسعين في الميه
ياخيبتي يابنتي
دا كتير عليه
صرفت كتير
تعبت كتير
والخيبه قويه
تدخل علوم
تدخل فنون
ولايكفي عنيه
مظلومه يابنتي
والظالم ع الكرسي
نشكي لمين
نبكي لمين
لانافع سيسي ولامرسي
اعمل ايه قلي ياربي
جامعه خاصه
أنا مش قادر
وقلبي بيغلي
أنا مش صابر
بطبطب عليكي يابنتي
وقلبي جريح
وحلم عمري
ضاع بدون تفريح
عملها وزير
ياريتو غفير
وبدون تلميح
فرحة قلبي
سرقها سيادته
غش مفيش
حلم مفيش
علم مفيش
ياريتو غفير
بنتي التانيه
في الطريق جيالك
والوزاره سيادتك
مش ديمالك
وبنتي التالته مش جيالك
تكنس تمسح تطبخ
مش قاعدالك
وعند اول عريس
هقول علام مفيش
جواز البنت ستره
مادام
علام في البلد مفيش
عصاااام سيد