ايام كات حلوه..بقلم "احمد السيد القاضي"

قصيدة..ايـام كات حلـوه
******************
انا كنت صُغَير ونفسى اكبر..
**
وكبرت
ياريتني ما كنت كبرت
*****
ايام. كات حلوه يا ريت ترجع
ومكتش .. الدنيا كده بتوجع
ومفيش ..حوادث كده تفجع
وشيوخنا ...كانت لينا مرجع
وطيبه ..وضحك وحب بجد
ومكنش..... حد بيكره حد
وكله يسامح من غير شد
واي .....غلط ملحوق يترد
*****
انا كنت صُغَير ونفسى اكبر..
**
وكبرت
يا ريتني ما كنت كبرت
*****
انا كنت زمان بجري وبلعب
وقلوب الناس زي الملعب
واسعه وجميله بتتقرب
ومكنش حد بيتغرب
*****
متحبش تيجي في يوم تبعد
وتحب ....تجامل في الموعد
*****
والناس فرحانه وكله سعيد
ايامهم ... كانت بهجه وعيد
ومكنش ... فيه حقد وتنكيد
والناس . حره ومفيش تاييد
****
انا كنت صُغَير ونفسى اكبر..
*****
وكبرت
ياريتني ما كنت كبرت
*****
وكانت. الناس ايد واحده
ومحدش .بيحس بوحده
والصحه قويه فيها شده
من ..اكل المش والزبده
****
كات .....عيشه حلوه وبسيطه
والناس كات ليها همه نشيطه
وصفاء..... نفوس مش حويطه
وامان ...... موجود بدون حيطه
******
انا كنت صُغَير ونفسى اكبر..
**
وكبرت
يا ريتني ما كنت كبرت
***
كنت العب كوره ف الحاره
وحكم .... في ايده صفاره
ويقول ..خطر لو ناس ماره
بمرور..استاذ ندي باشاره
*****
كان فيه زمان احترام
وادب ولياقه ف الكلام
وماء وهواء وخضره تمام
والناس كات عايشه ف سلام
*****
انا كنت صُغَير ونفسى اكبر..
**
وكبرت
يا ريتني ما كنت كبرت
***
بقلمي /احمدالسيد القاضي