عم ياعم...... اصحي ياعم
رمضان جه ماتشيلش الهم
شهر صيام وقيام وعباده
فيه الخير والبركه زياده
اوله رحمه واخره سعاده
ياعم ياعم
عم ياعم الرؤيا اهي بانت
هل هلاله ونوره اهو بان
قوم نتعشي عشان نتمشي
وتجيب لينا فانوس رمضان
عم ياعم
شايف الزينه ف كل مكان
دا مافيش بيت مافيهوش
فوانيس
شايف الناس فرحانه ازاي
بيزفوه وكأنه عريس
قوم نتوضا عشان ح نصلي
بعد العشا في صلاة تراويح
توب واستغفر هلل كبر
زود كتر في التسابيح
شهر صيام وقيام وعباده
فيه الخير والبركه زياده
اوله رحمه واخره سعاده
ياعم ياعم
ياللا عشان ح نصلي تهجد
صحي الاهل وصحي الجار
دا احنا دخلنا ف آخر عشره
وايام عتق رقاب م النار
اياك تنسي واوعي تنام
عم ياعم
و اقرا ياعم كتير قرآن
عم ياعم
وافضل ادعي لحد الفجر
اطلب عفو اطلب غفران
واطلب عتق كمان م النار
يمكن دي تكون ليلة القدر
ياعم ياعم
بقلمي \ مجدي احمد محمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.