الفجر جاى.
مال الميزان
ولو إتعدل
يرجع يميل
خان الجبان
بإيديه قتل
حتى العليل
ولِسه بِحلف
بالشرف
ويقول دا بُكرا
مُختلف
راح اعدى بيكى
ألف ميل
لما إنت ياد
مش أدها
بالدين بتدفع
مهرها
ليه تقول لها
بُكرا جميل
تستاهلى ليه
بتصدقى
يا ام الخلاخيل
بُندقى
دمعك مطر
عمال يسيل
ما انا قُلت لك
م المُبتدا
يا رقيقه
يا قطرة ندى
هيخون . وقولتى
مُستحيل
أنا مش بعاتبك
صًدقى
دا الصدق هو
مبدأى
لا تقلقى دا
كله خير
بُكرا ولادك
يهتفوا
وليوم ميلادك
يوصفوا
والفجر له
مليون دليل
يا ام الضفاير
طايره فوق
مفيش غروب
من غير شروق
مهما يكون
الليل طويل
مهما
يكون
الليل
طويل .
كلمات \ أحمد شاهين16 \ 6 \ 2017
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.