ياما قلوب بقلم طارق عطية

ياما قلوب

فى قلوب كتير واقفة
في وش الموج والريح

وقلوب كتير ماتت
وعايشة
يادوب مجاريح
لا الدمعة تبكيها...........ولا كلمة تواسيها
ضاعت امانيها...وسابت لى قلب جريح
عايشة وقلبي إللي مات
وايديا على خدي
مبقاش غير ذكريات
بتاخدنى وتودي
ليه ترضى... لي السكات
مش حتحمل........ آهات
أنسى الماضى اللي فات.
أيام وحتعدى
ليه ذنب قلوب كتير
بيشيله قلبي أنا
بتعامله ولا الأسير
مش حتحمل ضنا
لو كان عندك ضمير
كان شرك يبقى خير
قلبى من غير مصير
قلبك مش من هنا.
بقلمي....طارق عطية