ندمانة بقلم طارق عطية

ندمانة

ندمانة وناوية أتوب
إني نسيت عشرتك

ناوية أخلص من الذنوب
ناوية أمسح دمعتك
عارفة إني جنيت عليك
دلوقتي.. أنا بين إيديك
قلبي ..خلاص مشتريك
نفسي أسكن جنتك
متلومش علي اللي كان
ولا تعتب....... ع الزمان
خلي في قلبك.... حنان
أنسي خلاص قسوتك
أنا ياما ..ظلمت ناس
ظلم ومن غير أساس
أضرب أرضك. بفاس
تطرح حنيتك
لو ليك في القلب تار
أهو مات من الأنتظار
بدل ليلك........... نهار
أنا بطلب رحمتك
بقلمي...طارق عطية
...........شعر غنائي