من أول السطر بقلم مصطفى العيادي

.... من أول السطر ....
أما شوفك بتسوق
في .. الميه وفوق
يمين .. وشمال ..
لا يهمك زبال ..
ولا جالك على بال
شوية عيال ..
وتقللي ياعم .. دي مصر !
أقلك .. نقطة ..
من أول السطر .. !!

واللا شوفك غلطان
دايما غلطان ..
ولا هانك إنسان ..
تغلط وتقول: معلش ..
يومك .. يا درش ..
فينك .. يااا صبر .. !
اقلك .. نقطة ..
من أول السطر .. !!
بإيدك .. مداسك ..
سايب مراتك ..
وتقول .. صحابك ..
ليلاتي .. ليلاتي ..
عيالك تهاتي ..
وداخل .. تتطوح ..
لبعد الفجر .. !
أقلك .. نقطة ..
من أول السطر .. !!
داير شبيح .. شغال ..
معلق .. قرن غزال ..
لا هامك كلام يتقال ..
واصحابك عال العال ..
عاملينك زعيم يا خال ..
إنته بن مين في مصر ..
والا انته .. عندك ضهر .. !
أقلك .. نقطة ..
من أول السطر .. !!
( مصطفى العيادي )