عازف حروف الألم
✍🏻,,,,,,,,,,,,,,,,,,,✍🏻
عازف حروف الألم ,, و الدمع ,, موالي
شارب كاسات الندم ,, و اشكي لمين ,, حالي
اللي فاتوني كتير ,, و اللي باعوني ,, اكتر
و الحمل زاد بالكيل ,, و النفس ,, بتكبر
شاوروا عليا زمان ,, و قالوا يا مسكين
اكمني انا الانسان ,, اللي اتخلقت حزين
مجروح و من يومي ,, ولا جرح فيا يطيب
و الفرح ناسيني ,, و تملي عني غريب
امتي اشوف النور ,, و الم ,, احزاني
انسان وحيد مكسور ,, و الدنيا ظالماني
عازف حروف الالم ,, و بغني فيها يا ليل
يبكي معايا الناي ,, و يهدي قلب عليل
و العود ,, و اوتاره ,, بشجنهم احتاروا
وسألوني ألف سؤال ,, مين انت يا حمال
و ازاي بتتحمل ,, و الحمل ,, حمل جبال
رديت و انا بضحك ,, ماعرفش وللا ,, انا مين
ذنبي اني انا عايش ,, بين ناس ,, كتير ظالمين ,,,!!!
بقلم الشاعر ✍🏻 ياسر عبد الحميد ,,,!!
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.