يا بياعين الوجع...
البيعه رايحه لمين ...؟
عملنا كل البدع ...
قولنالكوا مش عايزين
ما كفايه بزيادة ..
القهوه الساده..
ولا بقت عاده..
و انتوا مش حاسين ...؟!!
تعبنا ع الآخر..
و جبنا ف الأخر..
وجعنا نوع فاخر
بيعيش معانا سنين
و تبيعوا للحاشيه..
وجع بلون فوشيا...
و البيعه لو ماشيه..
ترجعلكوا ف ساعتين ..
يا بياعين الوجع...
لو فيكوا راجل جدع ...
يقول مفيش مرتجع ...
اشمعني التانيين...؟!!!
سيد صادق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.