أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )

الأحد، 14 أكتوبر 2018

قصيدة دنيا بقلم بسيوني صديق


قصيدة دنيا
**********
دنياملهاش
لا اول ولا اخر
قولت للحاضر 
وقولت للغايب 
انا تايه 
انا بخاطر
وانا عارف 
اني ماليش نايب
******** 
دنيا ملهاش 
لااول ولا اخر
فيها البكاش
واخد حقه بزيادة
وعايش فيها بلاش
وابو بلاش كتر منه 
وزياده
*******
دنيا ملهاش
لا اول ولااخر
وانا مهضوم حقي
واربتي مخرومة
لا قادر الم حاجتي
وحتي النفس مكسورة 
*******
دنيا ملهاش
لا اول ولا اخر
مالقيتش فيها 
اللي يواسيني 
ويقولي كلمة حلوة
تكون ترياق
وتراضيني
هو لازم اكون وتد 
ولا زي المارد عملاق
********
دنيا ملهاش
لا اول ولا اخر
بالذمة ياخلق
بالذمة يابشر
والذمة بقت متباعة
واكل الحق انتشر
وظهرت علامات الساعة
حرام اكون وسطكم
اموت ولا كنش اماعة
********
دنيا ملهاش 
لا اول ولا اخر
واه لما اقع و ملاقيش 
اللي يقف جنبي 
ولايحايلني ولا يشلني 
ولايطبطب 
علي كتافي
وهو اكتافه من خيري
********
دنيا ملهاش
لا اول ولا اخر
اللي مايكون معايا 
وقت الشدة مصداق
ويكون في ضهري حماية
وراجل وسند 
ومش افاق
اعرف ساعتها 
ان الدنيا لسه بخير
******
دنيا ملهاش
لااول ولا اخر
الوش اللي 
بيضحك من غير نفس 
والوش اللي 
في الوش مرايا
والوش اللي 
في القفا سيلاية 
يارب ارحمنا
وعرفنا خبث النوايا
********
دنيا ملهاش 
لا اول ولا اخر
احنا ناس طيبين
مش عرايس
تلعبوا بينا
ولا ارجوزات
في ايد افندينا
ولا احنا زي 
مابتقولوا علينا
ولا الصور مش واضحة
***************************** 
بسيوني صديق

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.