....وبصبح عليكي...للشاعر رمضان البربري
وبصبح عليكي بجد
بصبح قبل أي حد
مهو إنتي شوق يتمد
وعمري وأيام بتتعد
يا نسمة صبح بتعدي
وجايبة الشوق لحدي
يا نور الفجر الهالل
حبك في قلبي مابيدي
صباحك حلم وردي
حالف بية ليهدي
ويفرش ورود وورود
ويجي نسيمة علي قدي
صباحك نور وزهور
يا همس الصبايا الحور
نورك ولا البلور
نورك داير ما يدور
صباحك من وسط الزهور
أبيض واصفر مسرور
ذي عيدان القطن البلدي
وسط غيطانة جميل منظور
صباحك ذي عود القمح
سنابلة بتموت في الفتح
جمالة ساري في الغيطان
فلاحة بيستني الطرح
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.