قصيدة / متصدقيش متصدقيش حبيبتى كل كلمة حب تتقال .
الحب مش كلمة حلوة تتغنى فى موال.
الحب مش معناه اقول لك انتى روحى.
أو انى اقول لك انك بلسم جروحى.
أو انى ارسم ليكى جنة فى الخيال.
واوعدك انى أحقق ليكى شيء محال.
لا دا الحب عمره ماكان كلام .
ولا حتى فى يوم كان أحلام .
الحب انك تخافى عليا واخاف عليكى. ونفضل طول العمر ايدى فى ايديكى.
الحب ممكن يكون بنظرة عين .
او حتى بلمسة ايد مابين اتنين.
الحب زى الورود لازم كل يوم نسقيها.
مش بالكلام تحيى بالأحساس نراعيها.
الحب انى أخاف عليكى وانتى عنى بعيدة .
وأتمنى انك تكونى فى بعدى وقربى سعيدة.
يمكن يكون حبى مختلف عن الناس.
لانه حب كله مشاعر وإحساس.
مش هقول أطير بيكى
بين النجوم ولا كلام تانى.
كفاية أحس بيكى وانتى ساكنه فى احضانى.
شعر / كمال البنا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.