مدّي إيدك يا شمس
-----------------
يقلمي - عادل عبد الرازق
-----------------------
مدي إيدك يا شمس ف غروبي
إفتحي باب الضيا يدخل دروبي
أنا دروبي ليل غميق
ماشي طريقي بدون صديق
وبحر ضلمة صعب وغريق
وشايفة يا شمس وعايزة تغيبي
مدي إيدك يا شمس ف غروبي
إفتحي باب الضيا يدخل دروبي
...
فاتت سنين والضلمة حواليّا
جوّه كياني وجوّه عينيّا
وخط عمري فوق إيديّا
إختفى وضاع في العتمة ديّا
واتنفى شوفي ف مدا غيوبي
مدي إيدك يا شمس ف غروبي
إفتحي باب الضيا يدخل دروبي
...
يا هلترا يا شمس حتعرفيني
ولاّ حانده عليكي وترفضيني
وتشرّقيني .. وتغرّبيني
يا شمس يا ذنبي وديني
قولي يا شمس إمتى تتوبي
مدي إيدك يا شمس ف غروبي
إفتحي باب الضيا يلمح دروبي
***
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.