أهم الاخبار

مجلة نداء الرؤح للشعر والأدب رئيسة مجلس الادارة الأستاذه نداء الرؤح )

الأربعاء، 25 يوليو 2018

الموضوع باختصار بقلم ياسر مهدي عمرو

الموضوع باختصار

الموضوع بيقول كالاتي
واحد اتنين والتالته بهاتي
بنادي علي ناس ف الضلمه ونايمه
وناموا معاهم حتي ولادي

باحاول اصحي بحرفي واقول
مثلا طعم اللحمه دا فول
وياريت معمول بالزيت العادي
ابدا والله دا زيت مغسول

ومره كمان جنب الحريه
قولت بلدنا دي غاليه عليه
لقيتني لوحدي بعيش دوامه
وناس تتريق للصبحيه

انا موضوعي دا سهل بسيط
قفلوا السد وقالوا عبيط
قولولي اتوضا ازاي ف الجامع 
وفيه الميه بالطنقيط

الموضوع يا اخونه كفايه
معانا اقلامنا وفيه برايه
اي معالي يحب يكوش
يملك كرسي و هي الغايه

ومره حرقني الدم ناديت
هدموا القدس وهدموا البيت
وانحنا يا ناس مش قله ف عالم
كتر عدد خل وملليت

كل يومين اسمع اغنيه
وشاعر بيحب في سعديه
ونسمه جميله تعدي النيل
يشوفها قال ايه مهديه

وغيره بيكفر جوه حروفه
ماسك نفسه بدمعة خوفه
نفسه يكون وايديه مش طايله
عمال يشكي كتير بظروفه

وانا واحد ف الدنيا دي عادي
بحب الناس وبحب ولادي
نفسي اصحي حروف جواهم
ولا اشفش الغدر بيملى الوادي

انا رايح حتي ومش راجع
عارف ان انا شيئ مش نافع
بس بحاول ازرع ورده
تكون لكلامي هي الشافع

ياسر مهدي عمرو 2018/7/25

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.