أهم الاخبار

مجلة نداء الرؤح لفرسان الكلمات رئيسة مجلس الادارة الأستاذه نداء الرؤح )ورئيس التحرير الأستاذ منصور بن منصور

الأربعاء، 25 يوليو 2018

قالولي ,, حوا بقلم الشاعر ياسر عبد الحميد


قالولي ,, حوا
,,,,,,,,,,,,,,,,,,,,,,,,

قالولي مرة ,, اوصف في حوا
فككتها لحروف ,, هجاء
قالوا عاوزين معني واحد
قولت ,, معناها ,, الوفاء
قالوا ,, طب قول حروفها ايه
بصيت لفوق عند السما
و قولت ياااااه
حواء ,, في ال ح ,,
دي حور من الجنة
حواء ,, في الواو ,, 
وفاء ,, بيتغني
و ألف ممدود ,, يمد حياه
و همزة وصل ,, توصلنا
قالولي زيد ف معناها و قول تاني
وصفت الأسم ,, بالمرأة
قالولي قول و عيد تاني
رديت و قولت ,, 
اولها,, مر ,, و اخرها ,, آه ,, 
غريبة دي في اوصافها
و في الازمات ,
, تشيل الحمل علي كتافها 
تربي تعلي ,, ف ,, اولادها
و سايبة نفسها ,, ليهم
و حضنها ,,دافي يجمعهم
محوطاهم ,, بتحميهم
و تدعي لربها و تقول
يا رب ,, بارك ,, و خليهم
مافيش غيرها ,, بيبكي
في فرح ,, و حزن
سنينها بتجري ادامها
كما النسماية ,, فوق الغصن
بقلب حنون ,, 
تلم الكون ,, و ترضيهم
و مهما بيأسي,, 
عليها الكل ,, تراضيهم 
سبب مخلوق ,, 
بييجي الكون ,, سبب طيبة
كفايا تكون ,,
ام و ,, اخت ,, و حبيبة 
و مهما هاقول ,, 
و اعيد تاني ,,ما يكفيها ,, 
عشان حوا ,, عشان انثي ,, 
عشان كلمة بتكفيها ,,

بقلم الشاعر ✍🏻 ياسر هبد الحميد

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.