الأخت
/////////
ماعوضشي ابداً أُمّنا
اللي ماتت من سنة
غير إن بس ربنا
إدانا أُخت حنينة
شايلة دايماً همنا
حاسة بينا في جرحنا
هي أغلى حاجة لينا
هي روحنا ونور عنينا
عايشة لينا بقلبها
ناسية دايما نفسها
وحتى من خوفها علينا
سابقة دايماً سنها
أما نبقي يوم في كرب
تدعي لينا تقول يارب
نلقي أي هم زال
عشان دعاها كان بقلب
بتبقي وقت الشدة بر
وتبقي وقت الخوف أمان
حايشة عنا كل شر
أختنا ....... نبع الحنان
دنيتنا كانت مُرة وهي...... حليتها
والفرحة كانت غايبة وهي جابتها
يارب أديها على قد ............. نيتها
وعشانا خليها تسعد في .... دنيتها
هي الحنان هي
هي الأمان هي
وهي وقت الشدة
تشغل مكان 100
شايلة دايما همنا
حاسة بينا في جرحنا
كلمات/ شرف الدين فاروق أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.