نقطة فوق جبين الحرف
تبقي كلام
تعزف مشاعر علي الورق
تتولد لحظه غرام
هي حاله من التوحد
روح جوه نفس الروح
لمسه حنان
حلم الاميره بضم الغلام
نقطه جوه النفس
تجرح أو تنجرح
تبقي دموع
وحلم بيحلم انه صاحي
يتمني ايه ... لحظه رجوع
وشوق وعدي كل الحدود
واللهي مايعرف حدود
والمشاعر لما تصحي
بتتخلق لحظه وجود
لحظه ميلاد مش بس ورقه
ولا دمعة تحرق فوق خدود
حالتي حاله كل عاشق
كل من حس الغرام
كل طير عايش غرامه
ولما شوقه بيزيدفي قلبه
بيقي حزنه احلي كلامه
ياحروفي امهليني
اعزفك لحن لحبيبتي
واكتبيني
وصبريني علي الفراق
بكره راجعلي الاميره
بعد غيبة
أصل صدقيني تبقي عيبه
اني اموت من الغياب
صعب جدا تموت حروفي
مخنوقه جوه كتاب
خرجيها وعلميني
اكتب مشاعري
عمري مااتعودت احسب
طول عمري ضعيف في الحساب
احمد عبد الحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.