هى البلد دى بلدنا
ولا ساكنين بالإيجار
وهنحصد ما زرعنا
ولا طال إنتظار
سمع كتير سمعنا
إنه جاي النهار
يجعل لحياتنا معنى
ويسعد كل دار
يرفع تاريخنا أعلى
ويصحح المسار
شبع من بعد جوعنا
ويولي الإحتكار
واللي سبب فسدنا
إساءة الإختيار
وكنيسة جنب مدنة
جار بيود جار
واللى وعد ولادنا
صدق مش كان هزار
كلام حلو ومعنى
بس الواقع مرار
أسعار تعبت جيوبنا
ورسوم على كل زار
واللى ماسك زمامنا
دايما فى إبتكار
بيطور فى علامنا
والدعم فى إنكسار
تلاتين سنة ووجعنا
بنعالجه باستحمار
الجمر حرق جسدنا
حاسبينه نبع فار
مواردنا فين شبابنا
والمصرى أبو الأفكار
يقلب رمالنا جنة
لعبه الحديد والنار
من القاعدة شاب شبابنا
والغربة زى دار
واللي بقى لحالنا
بنكافلوا بإستمرار
عاش الحياة مناهدة
صراع لقط وفار
يارب خف كلامنا
حوش عنا فقر وعار
واسيادنا ترضى عنا
دا الزهد برضو عمار
والحياة لها سنة
أسود بإيدها قرار
واللى انطرد من الجنه
عايز الجميع فى النار
........ وائل سعيد ......
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.