هي لحظه..
مابين الحُزن والدمعه
هي لحظه..
فيلم.. يُمر قدامنا
نفتكر فيها اللي راح
واللي سبّب لينا ألم
واللي كان حُضنه براح
ودلوقتي أصبح أمل
هي لحظه..
نشوف فيها ذكريات
واللي عدّي واللي مات
ونرجع سنين
يمكن يومين
ويبدأ يدق........
ع القلب آهات
هي لحظه ملانه مواجع
تبقي شايف فيها وسامع
صوت آناتك
شكل آهاتك
ولما خلاص الروح هاتروح
تنزل دمعه.. تنهي اللحظه
وتقفل قصة هم ونوح
ومهما تروح
ليها راجعه
دا فينا عايشه
نفس اللحظه..
بقلمي/
ماهر البساطي
ماهر البساطي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.