من اصل شئون إشتياقية
مبقاش فيا
غير حبه فتافيت
ضايعه ملامح
ومشاعر ليه رافضه تسامح
بتطالب برجوع الماضى
بتنازع وتثور وتقاضى
ومش راضى الحاضر ليه يعترف
بوجود إمبارح
صوت يتردد ويتطارد
واحساسى بالحاضر بقى بارد
وتعاند الذكرى ف فكرى
وتحتل وجودها فيفضل سارح
نسمع حكايات
مع صمت قلوب
ع كل وتر وضلوع مكتوب
ومرار نهايات
حجز الروح جوا مطارح
وكتير تفاصيل مش ف كلام يترص
ده يا دوب يتحس
واحاسيس تتخاصم وتعادى
وخايفه تصارح
وبقينا بقايا لمشاعر دايبين
وع الجبين
بنطبق قسمه ونصيب
وسيطرت قوانين
وقانون الواقع دايمآ جارح
#شيماء_الدالى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.