قلب للبيع
قلب خالى للإيجار
قلب طيب مش غدار
قلب كان دايما عمار
حد قال هات العقود
قلب فيه أربع غرف
كل غرفه وسع النهار
قلب كان مليان
بالتمر حنة والرحان
والشمس كانت فرشته
والقمر كان غطاء
كان الشروق ويا الغروب
فيه متجمعين
الشمس كانت فى الشروق تسكنه
والقمر وقت الغروب
كان فيه يبات
حد فكر ياخد قرار
المقدم مش كتير
عطف ومودة والحنان
اصله كان مليان حنان
واللى خايف مالايجار
الإيجار أبسط كتير
مالخيال
كل اللى مطلوب الوفاء
والإخلاص شرط القبول
حد وافق عالشروط
عقد دايم مش مؤقت
ما اللي كانوا سكنينة
كانوا فيه ملوك
كانوا فيه متربعين
هما اصلا سلاطين
واللى يسأل ليه سبوه؟
أصلهم قالوا قليل
وإحنا علين المقام
رغم أن هم لينا
حاجة إغلى من عنينا
كانوا هم الشمس لينا
والمودة لسا باقيا
حد ناوي عالدخول
طب خلاص واسمعونى
اصلى انا خت القرار
مش هملك حد قلبي
هفتحو عالبخرى خالص
وافتحو ساحة محبة
للغريب قبل القريب
واللى مش لاقى المحبة
قلبى جاهز يدهالو
والمقابل المحنة والحنان
والإخلاص شرط القبول
أنتهاء ياساد المزاد
قلبى ملكى مش لحد تانى
شعر ناصرالسيدعبدالرحيم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.