قلوب فى مثل هذا اليوم. فاروق الباشا
فينك يا قلوب
كانت بالحب عمرانى
صافية ورايقة
وبالوداد كانت امرانه
منين ماتروح
تلاقيها فى الخير غمرانة
ساعة الصفا
تشوفها بالوفاء قمرانة
وساعة الجد
تلاقيها سواعد شمرانة
مالك ياقلوب
باينة باعته ضمرانة
الحزن كاسيكى
والعيون بالدمع طمرانة
والسحنة متكدرة
والخدود غامقة سمرانة
والبسمة روحت
والضحكة خايفة هربانة
ردت وقالت
انا من الخلق زعلانة
احتار دليلى
وافكارى بايته حيرانة
راحت ايام
كانت بالهنا مليانة
وجات ايام
لاعافينها ولاهى عرفانة
سبحانه ربنا
ياما قال وورانا
القلب على القلب
تصبح العشرة تمرانة
والدنيا ساعة
وبعد الساعة فايتانة
ويوم الحساب
تشوف ناس ياما قلقانة
وناس بالحق
ماشيه هاديه فرحانة
عملك جملك
يوديك جنة ريانة
او يوديك
لنار حمره حرانة الغيث الوفير فاروق الباشا مصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.