**احﻻمي بسيطة**
أحلامى سهلة و بسيطة
ودنيتى رخامة و عنيدة
تلاعبنى ..تكايدنى
وتقولى حاورينى يا طيطا
شوية ازعل و شوية أغضب
وأضرب راسي فى الحيطة
وشوية أسايسها وشويه احايلها
واعمل لها خواجة لابس برنيطه
مع ان كل اللى طلبته
منهاشويه حاجات عبيطه
لكن كانت هترضينى وتعيشني سعيدة
ومش هتنقص من الكون ولا شُخبيطة
بقولك ايه يادنيتي
خلاص تعالى نتفق..
لاانا أغنيلك وﻻترقصيلي
ولا أنتى تمسكيلى زمارة وترومبيطه
وياريت نبعد عن بعض
من غير دوشة ولا زيطة
وان سألوكى عنى
شاوري بأيدك وقوليلهم
كانت قرفني وفارقت
وظبطها مليون تظبيطة
بقلمي رانيامحمود
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.