الله عليكم --------------- هذه القصيده للشاعر مصطفى عبدالمنعم من ديوان كلنا مصريين

الله عليكم
-----------------
فى يوم عيدكم
مصر بتهنيكم وبتفتخر بيكم
بتقولها ليكم
ياللى صنعتم مجدها .. بايديكم
تسلم عنيكم
بنقولها ... الله عليكم
ما انتوا ضى عينيها
شايفين اللى ليها وعليها
يا امل بكره اللى بيناديها
بالعمل راح ينور لياليها
انتوا اللى حاسين بيها
انتوا القلب اللى بيحبها
مهما كانت الاهوال
انتوا الايدين اللى تمسح دمعها
مهما اشتدت الاحمال
ماهو انتم اقوى رجال
ياما بإيديكم بنيتوا ..وعليتوا
بكره اكييييد ..
مصر محتاجه للمزيد
لآجل انتاجنا بإيديكم يزيد
والمكن خيراته تفيض
يعلنها بنفسه
ويقول اللى حاسه
مصر بعمالها حققت امالها
وبجد بقت فى عيد
------------------------------
هذه القصيده للشاعر
مصطفى عبدالمنعم
من ديوان كلنا مصريين