الله يعوض علينا
...........................
سيبك يا قلبي منهم ..
ده غرامك مش نصيبهم
ومصابك يوم يصيبهم
هيحسوا ساعتها عيبهم
كان قلبك كان حبيبهم
دقاته وناااااار لهيبهم
وليالي غرام عيونهم
يحكي بينا القمر
يسهر شوقه يحايلهم
يبعت مرسال يجيلهم
ردوه وسدوا بابهم
آتارينا مش في بالهم
فاكرين حالنا إتكسر
ولا مره وجاه وأليمهم
ولا عرفوا معاه شجن
بالغدر باعوك رخيص
وأهو راحوا للرخيص
خليه يعرف مقااااامك
وهيندم يوم ما سابك
بأيديه صب في عذابك
وسقاك زود منابك
فاتك وحدك هجر
وقاسينا معاك قاسينا
والله يعوض علينا
الله يعوض علينا ...
في القلب اللي ناسينا
ونلاقي اللي يواسينا
راسمين رمله بأيدينا
دسنااااه ما حس بينا
إتهد ما لوش آثر
قولنا هتندم علينا
وبعادك شرخ فينا
وده مين ده ما يتكسر
جواه دقات تصونك
عاشق ولا يوم يخونك
لأجلك حابب جنونك
أتاريك هادد حصونك
غدرك جانا ووصل ..
سيبك يا قلبي منهم
قفلنا باب نصيبهم
وسحبنا غرامنا منهم
نبعد بهوانا عنهم ..
والله يعوض علينا
الله يعوض علينا ...
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.