(أنا الصعيدي)
أنا الصعيدي إللي حبك
وتاه في دربك
بس ممنوع علينا الكلام
أنا الصعيدي إللي
كلمته بألف سيف
إنسان نضيف
والحب عندي ليه بضيف
وعمره ما يهز الرجوله
كنت بشوفك
في أحلامي القديمه
كنت بحلم في كل ليله
وكل همسه بتشوفها عنيا
ويسرح فيها خيالي
وكل ما حبي ليكي يزيد
إنتي بتذيدي في التعالي
لو فاهمه حبي ليكي ضعف
يبقي لسه ما فهمتنيش
لو فاهمه اني ليكي هركع
لاء مفيش
الحب عندنا عطاء مش كلام
الحب إحساس مش ملام
لكن لو مره اتعاليتي
علي الصعيدي ما تكسبيش
خليكي فاهمه طبعي إيه
وامتي يرضيني الكلام
وامتي بزعل م الملام
وتعرفي اني بحبك بآحترام
ماهو الصعيدي
طبعه نار وحبه نار
وباختصار...
حبي ليكي لو هيقل مني
يبقي بلاش الغرام
واسمعي اخر كلام
هدوس علي قلبي
لو كرامتي في حبك تضيع
أو في حبي ليكي يوم
لرجولتي ينفع ابيع
وانتي عارفه اني ليكي مش ببيع
لكن الصعيدي إللي جوايا ساكن
تعظيم سلام
خلص الكلام
أبو رامي الاسواني
٣٠/٦/٢٠١٩
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.