فاكره آخر لقاء
واتواعدنا عالوفاء
يومها قولت أني مهاجر
لاجل مااجيب مهرك
يومها فضلنا نتسامر
منايا آجي أطلب يدك
وعلي بعدك هكون صابر
وهرجع لما استاهلك
فضلت عالشقا مثابر
وهتحمل لاجل خاطرك
وقولت حبيبي روح سافر
ومش نسياك وهنتظرك
آمنتك على حبي وقلبي
ومهما يكون هصون عهدك
سافرت وقلنا بينا وصال
وهسمع كل يوم صوتك
لا في مكالمه ولا مرسال
و فى رسالتك معاها صورتك
شغلت القلب ويا البال
وماسمعتش يوم ردك
شقيت بدل العام عامين
وكان عهدي أصون ودك
وعودت وشايل الأحمال
ونازل على عنوان أهلك
وسألوني حضرتك مين
قولتلهم أني بحبك
قالولي دي زوجه من سنتين
وجوزها فلان أكيد صحبك
وربنا رزقها ببنتين
ياريت ترحل وتشيل شيلتك
مشيت والقلب يبكي أنين
ندمت أني نطقت أسمك
راح فين وفاء المحبين
مظهرش أبدا يوم كذبك
وكنت وصحبي متواعدين
أني أرحل بعيد عنك
(((أسامه جديانه)))
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.